Ausencia: 1. Circunstancia de non atoparse unha persoa ou cousa no lugar onde debería estar ou se desexaría que estivese. 2. Tempo durante o cal alguén está ausente. 3. Circunstancia de non haber algo. 4. Perda transitoria da consciencia.
O mar está turbulento pola ausencia dun loitador das causas nobres e amante das novelas cabalerescas. Defensor do feito amodo, protector da escritura artesanal.
Honesto á súa fraxilidade e sinxeleza, concibiu personaxes tan próximos e sensibles, como o taciturno inspector de policía Leo Caldas; cociñado a lume lento, como a el gustáballe reivindicar.
Fascinado polo mar. Fiel embaixador da súa cidade natal, describiu lugares emblemáticos da cidade, que lle transportaban á súa infancia, como a praia do Vao; ou a enxalzar a singularidade da Escola de Artes e Oficios, fundada en 1886 co fin de facilitar a educación de mulleres, obreiros e outros colectivos que tiñan difícil acceso á educación elemental; a día de hoxe aínda vixente.
Seguindo a súa estrutura narrativa, chegamos ao desenlace, no que queremos poñer en valor, a súa honradez e bo facer como persoa e narrador.
Na biblioteca terémolo sempre no noso corazón, como divulgadores do patrimonio cultural, compartiremos con entusiasmo o legado que nos deixou con tanta delicadeza.
As súas palabras sempre bailarán ao son das ondas da súa amada Ría de Vigo.
Susana R.
Biblioteca Neira Vilas
Impacta irse demasiado pronto: pronto para todos los que te quieren ,para todos los que con tus lecturas soportaban mejor el echo de vivir…por lo menos van a quedar tus obras…
Desmasiado pronto a la ternidad,a la nada: el lugar de acogida de todos.