T.S. Eliot: Recomendación do mes

En outubro de 2022 cumprirase o centenario da aparición na revista londiniense The Criterion de “A terra baldía”, do poeta angloamericano T. S. Eliot: sen dúbida, o poema máis emblemático, innovador e enigmático do escritor. O texto supón un achegamento certeiro ao novo mundo xurdido tras a Primeira Guerra Mundial e ao ser humano pousado sobre un tremor permanente onde vida e morte son un só. Nesta mostra podedes atopar parte da obra máis significativa de T.S. Eliot, quen recibiu o Nobel de Literatura en 1948.