Reapertura da biblioteca

by Biblioteca Neira Vilas | Xuñ 1, 2020 | Información xeral

Horario de apertura

O horario será o habitual da biblioteca:

Horario ordinario (Do 16 de setembro ao 14 de xuño)

	Luns	Martes	Mércores	Xoves	Venres	Sábado
Mañá		10:30 14:00	10:30 14:00	10:30 14:00	10:30 14:00	10:30 14:00
Tarde	17:00 20:30	17:00 20:30	17:00 20:30	17:00 20:30	17:00 20:30

Horario de verán (do 15 de xuño ao 15 de setembro)

	Luns	Martes	Mércores	Xoves	Venres	Sábado
Mañá		10:30 14:00	10:30 14:00	10:30 14:00	10:30 14:00	10:30 14:00
Tarde	18:00 20:30	18:00 20:30	18:00 20:30	18:00 20:30	18:00 20:30

Servizos dispoñibles

Préstamo con cita previa

Para levar documentos en préstamo será necesario solicitar unha cita previa, ben a través do teléfono 986 26 77 59 en horario de apertura ou do correo electrónico bpneiravilas@vigo.org.

Neste último caso, deberá indicarse:

Datos persoais:

Nome e apelidos
Número de carné

Datos referidos ás obras solicitadas:

Título
Autor
Tipo de material (libro, DVD, Música, Revista)

A persoa solicitante será informada pola mesma vía en que solicitou cita do día e hora no que pode acudir a recoller os documentos, que lle serán proporcionados polo persoal da biblioteca, dado que a colección en libre acceso estará pechada ao público.

Convén consultar primeiramente o catálogo en liña da biblioteca para consultar se as obras desexadas están dispoñibles. Para limitar a busca débese seleccionar a biblioteca: Vigo – Biblioteca Pública Municipal Xosé Neira Vila.

Acceder

Devolución

Sempre que non se vaia levar material emprestado, a devolución das obras realizarase no buzón exterior da biblioteca, para o que non será preciso solicitar cita. En caso de ter cita para levar obras en préstamo, as devolucións efectuaranse no posto habilitado para tal fin á entrada da biblioteca.

As obras devoltas estarán 15 días en corentena antes de volver a estar dispoñibles para o préstamo. Esta información aparecerá reflectida no catálogo da biblioteca.

Información bibliográfica e referencia

As consultas atenderanse no teléfono 986 26 77 59 ou no correo electrónico bpneiravilas@vigo.org

Solicitude do carné de usuario/a.

Para obter o carné de usuario/a será necesario solicitar unha cita previa a través do teléfono 986267759 ou do correo electrónico bpneiravilas@vigo.org

Servizos non dispoñibles

Estudo ou consulta en sala
Reservas de libros
Actividades culturais
As coleccións en libre acceso permanecerán pechadas ao público, accesibles mediante o préstamo con cita previa
NON se poderán utilizar os equipos informáticos de uso público
NON se poderá acceder aos postos de consulta do catálogo en liña
Calquera outro servizo destinado ao público distinto dos expresamente mencionados como dispoñibles

Normas para un uso responsable

Para o acceso á biblioteca será obrigatorio o uso de máscaras hixiénicas.
Na zona de acceso e nos puntos de contacto entre o persoal bibliotecario e o público situaranse dispensadores de xel hidroalcohólico ou desinfectantes autorizados e rexistrados polo Ministerio de Sanidade.
Deberá manterse unha distancia de seguridade interpersoal de polo menos 2 metros. A circulación pola bilbioteca farase polos percorridos establecidos e marcados para tal fin.
Os lugares de atención ao público disporán de medidas de separación entre o persoal bibliotecario e as persoas usuarias.
Nas dependencias da biblioteca instalaranse carteis e outros documentos informativos sobre os servizos dispoñibles e as medidas hixiénicas e sanitarias para o correcto uso dos mesmos.
Recoméndase ás persoas usuarias que acudan á biblioteca de xeito individual. As nenas e nenos menores de 14 anos terán que acudir acompañados dunha persoa adulta.
O acceso ás instalacións da Biblioteca Pública Municipal Xosé Neira Vilas só estará permitido para o desenvolvemento dos servizos expresamente autorizados neste documento e sempre con cita previa.
As persoas usuarias deberán seguir en todo momento as instrucións do persoal da biblioteca. O persoal técnico do centro poderá solicitar o abandono inmediato das instalacións se detecta que se están a incumprir as normas recollidas neste documento.