Servizos dispoñibles dende o 15 de xuño

Horario de verán (do 15 de xuño ao 15 de setembro)

Servizos dispoñibles

Convén consultar primeiramente o catálogo en liña da biblioteca para comprobar a dispoñibilidade das obras.

Para limitar a busca débese seleccionar “Vigo-Biblioteca Pública Municipal Xosé Neira Vilas”.

Recoméndase a petición anticipada das obras desexadas no teléfono 986267759 ou no correo electrónico bpneiravilas@vigo.org.

Unha vez feita a petición, a persoa usuaria disporá de 3 días para recoller as obras solicitadas.

En caso de querer levar novas obras en préstamo, as devolucións efectuaranse no posto habilitado á entrada da biblioteca.

As obras devoltas estarán 15 días en corentena antes de volver a estar dispoñibles para o préstamo. Esta información aparece reflectida no catálogo da biblioteca.

As consultas atenderanse no teléfono 986 26 77 59 ou no correo electrónico bpneiravilas@vigo.org

Para axilizar os trámites, pódese cubrir o formulario de autorrexistro dispoñible na páxina web (Servizos en liña – solicitude de carné), pero será necesario despois achegarse físicamente á biblioteca para recoller a tarxeta e validar a solicitude.

Servizos non dispoñibles

Estudo ou consulta en sala
Actividades culturais
As coleccións en libre acceso permanecerán pechadas ao público, accesibles mediante o préstamo con cita previa
NON se poderán utilizar os equipos informáticos de uso público
NON se poderá acceder aos postos de consulta do catálogo en liña
Calquera outro servizo destinado ao público distinto dos expresamente mencionados como dispoñibles

Para o acceso á biblioteca será obrigatorio o uso de máscaras hixiénicas.
Na zona de acceso e nos puntos de contacto entre o persoal bibliotecario e o público situaranse dispensadores de xel hidroalcohólico ou desinfectantes autorizados e rexistrados polo Ministerio de Sanidade.
Deberá manterse unha distancia de seguridade interpersoal de polo menos 2 metros. A circulación pola bilbioteca farase polos percorridos establecidos e marcados para tal fin.
Os lugares de atención ao público disporán de medidas de separación entre o persoal bibliotecario e as persoas usuarias.
Nas dependencias da biblioteca instalaranse carteis e outros documentos informativos sobre os servizos dispoñibles e as medidas hixiénicas e sanitarias para o correcto uso dos mesmos.
Recoméndase ás persoas usuarias que acudan á biblioteca de xeito individual. As nenas e nenos menores de 14 anos terán que acudir acompañados dunha persoa adulta.
O acceso ás instalacións da Biblioteca Pública Municipal Xosé Neira Vilas só estará permitido para o desenvolvemento dos servizos expresamente autorizados en cada momento.
As persoas usuarias deberán seguir en todo momento as instrucións do persoal da biblioteca. O persoal técnico do centro poderá solicitar o abandono inmediato das instalacións se detecta que se están a incumprir as normas recollidas neste documento.