Con este obxectivo preténdese promover sociedades pacíficas e inclusivas para o desenvolvemento sostible, facilitar o acceso á xustiza para todos e crear institucións eficaces, responsables e inclusivas a todos os niveis.
Para lograr os Obxectivos de Desenvolvemento Sostible son necesarias sociedades pacíficas, xustas e inclusivas. As persoas de todo o mundo non deben ter temor a ningunha forma de violencia e teñen que sentirse seguras ao longo da súa vida, independentemente da súa orixe étnica, relixión ou orientación sexual.
Días de intemperie
Riveiro Coello, Antón (1964-) [autor].
| Xénero | Ano | Clasificación |
| Novela da vida cotiá | 2022 | Adulto |
Os coidados, a fidelidade, a homosexualidade, a covardía, a vinganza, a suplantación de identidade, o amor polos libros, o contrabando ou a orfandade son algúns dos temas que compoñen este libro estremecedor onde o pano de fondo sempre é a guerra. Como xa fixera en As Rulas de Bakunin, Laura no deserto e O paraí-so dos inocentes, Antón Riveiro Coello pon de novo os seus personaxes en situacións límite para que nos ofrezan o mellor e o peor de si. Relatos duros que nos enfrontan co espello para sabermos o lugar que poderiamos ocupar en conflitos tan diversos como os que acollen estes relatos. E tanto ten que a guerra se desenvolva en Ucraína, Siria, Rusia, Vietnam ou na raia seca ourensá. O importante nestas historias é o resultado conmovedor dunha escrita poderosa que, unha vez máis, ispe os personaxes para os deixar nunha intemperie que tamén podería ser a nosa.
Mostra bibliográfica
https://catalogo-rbgalicia.xunta.gal/cgi-bin/koha/opac-shelves.pl?op=view&shelfnumber=15741
