Neste mes de xaneiro celébrase o aniversario desta gran escritora. Virginia Woolf é considerada unha das máis destacadas figuras do vangardista modernismo anglosaxón do século XX e do feminismo internacional.
Durante o período de entreguerras, Woolf foi unha figura significativa na sociedade literaria de Londres e membro do grupo de Bloomsbury. As súas obras máis famosas inclúen as novelas A señora Dalloway (1925), Ao faro (1927), Orlando: unha biografía (1928), As ondas (1931), e o seu breve ensaio Unha habitación propia (1929), coa súa famosa frase «Unha muller debe ter diñeiro e unha habitación propia se vai escribir ficción». Foi redescubierta durante a década de 1970 grazas a ese mesmo ensaio, un dos textos máis citados do movemento feminista, o cal expón as dificultades das mulleres.
