Na sesión da Hora dos Contos de outubro tivemos o prazer de contar con Raquel Queizás e a súa maleta da avoa, que viña cargadiña de contos e lendas tradicionais, das que contaban as avoas polas noites ou durante as merendas. Dela foron saíndo mouras, rapazas espelidas e ata un misterioso papón devorador de persoas…
Todo tipo de obxectos da vida cotiá e monicreques foron dando vida a estas personaxes que arrincaron as risas en grandes e pequenos, e cos que inauguramos un outono cheo de contos!
