Neste primeiro día da primavera celebramos o Día da Poesía na biblioteca dun xeito moi especial, no que nos acompañaron diferentes nomes de poetas e poetisas que nos inundaron de versos e música e nos emocionaron enormemente.
Queremos dar as grazas Andreia Costas, Esther Maradentro, Lucía, Raquel Fernández, Pablo Vilas, María Landesa, Félix Caballero, Aurora, Oriana Méndez, Orissel, Pedro, Isolda Comesaña , Samuel Merino e espacialmente a Montse Copa e Lola Villar por amosarnos a fermosura das súas verbas. Como escribiu Goytisolo
"La materia del canto nos lo ha ofrecido el pueblo con su voz. Devolvamos las palabras reunidas a su auténtico dueño".
Andreia CostasEsther MaradentroRaquel FernándezMontse CopaPablo VilaMaría Álvarez LandesaFélix CaballeroOriana MéndezOrisel Gaspar y Pedro RománIsolda ComesañaSamuel MerinoLola VillarIria Medraño
Último documental sobre unha lenda viva da historia da música e o punk: Patti Smith. Unha artista que reverteu os códigos do rock’n’roll e a poesía cun irrenunciable estilo que a converteu nunha das voces máis únicas da súa xeración. Ao aterrar en Nova York sobre as cinzas da cultura post-hippie, a veinteañera Patti Smith trastornará todos os códigos existentes do rock’n'roll e a poesía excesivamente prosaica. Durante a súa carreira de cincuenta anos, cun só éxito comercial, logrou a fazaña de converterse nunha lenda viva sen saír nunca das marxes da sociedade. Punk de corazón.
Este ano celébranse 50 anos da morte do gran artista e xenio Pablo Picasso. Na biblioteca unímonos ás conmemoracións deste aniversario e quixemos amosar algunhas pinceladas da obra e da vida deste gran pintor e artista global aos usuarios e usuarias de AFAGA.
Coñecemos os seus primeiros pasos como pintor, cando non era máis que un neno na cidade da Coruña. Tamén descubrimos a súa faceta de aprendizaxe e experimentación e mergullámonos polo interior dalgunhas das obras máis coñecidas do artista como as "Señoritas de Avignon" ou o "Guernica" para coñecer máis de cerca algunhas peculiaridades da súa forma de entender a arte.
Este mes, no que se celebra o Día Internacional da Muller e o Día da Poesía, a nosa recomendación é a escritora Sara Mesa. Coñecida fundamentalmente pola súa prosa, onde algúns dos seus temas recorrentes son o feminismo, os abusos de poder, as relacións cotiás conflitivas e a procura da liberdade, especialmente no mundo infantil e adolescente
Cara de pan
Mesa, Sara (1976-)
Xénero
Ano
Clasificación
Novela romántica
2019
Adulto
«A primeira vez cóllea tan desprevida que se sobresalta ao velo.» O encontro prodúcese nun parque. Ela é Case, unha adolescente de «case» catorce anos; el, o Vello, ten moitos máis. Ela ten dificultades para relacionarse. A el gústalle contemplar os paxaros e escoitar a Nina Simone. Estes dous personaxes feridos establecerán unha relación impropia que provocará incomprensión e na que non necesariamente coincide o que sucede e o que se interpreta que sucede.
Dani Blanco trouxo consigo unha presiña de contos populares do outro lado desa raia imaxinaria que separa o noso país de Portugal. Acompañamos ao coelliño branco na súa busca de axuda para desaloxar da súa casa á cabra cabrez, que che salta enriba e te parte en tres; soubemos da historia dun pescador que por pedir demasiado ao xenio dos peixes ao que salvara a vida quedou sen nada, e descubrimos o segredo do príncipe que recibira como regalo dunha fada malhumorada unhas grandes orellas de burro. Para rematar, rimos a cachón coa tola historia do pinto borrachudo e a súa viaxe de ida e volta cunha bolsa chea de moedas de ouro.
