O evento, coordinado pola UVigo, achegará a ciencia ás rúas, museos, centros educativos, bares e tamén á nosa biblioteca.
Un ano máis, a Noite Europea das Persoas Investigadoras celebrarase en Galicia con folgos renovados, da man de máis dunha ducia de institucións —universidades, centros e institutos de investigación— coordinadas pola UVigo.
Nesta edición, a creatividade e a súa relación co coñecemento científico serán o fío condutor das actividades. A biblioteca volve sumarse á celebración acollendo unha charla científica, achegando así a investigación á cidadanía nun espazo próximo e accesible.