César Lorenzo Gil (Arbo, 1977) é editor, xornalista, crítico literario e escritor. Dirixe a editorial Aira e edita a revista literaria dixital Biosbardia. No 2023 gañou o Premio Torrente Ballester de narrativa en lingua galega coa novela Sábeme a salamántiga o ceo da boca. É autor, ademais, de A gran novela galega, e coautor de Historia visual do Celta e a serie dos libros da Galicia pequeniña, entre outros.
Nas nosas Terrazas teremos a oportunidade de conversar con César Lorenzo nun encontro informal no que falará da súa obra, da súa traxectoria e do mundo editorial galego.