A biblioteca convida a asistir á conferencia “Anisia Miranda e a nación dispersa”, impartida por Arantxa Fernández Crespo, profesora da Universidade da Habana, presidenta da Cátedra de Cultura Galega e investigadora das relacións entre Galicia e Cuba.
Partindo da idea de Xosé Neira Vilas de Galicia como unha “nación dispersa”, a charla achegarase á figura de Anisia Miranda, escritora, xornalista e incansable promotora da cultura galega, cuxa traxectoria vital e intelectual constitúe un exemplo do papel desempeñado pola emigración na conservación e difusión da nosa identidade.
A través da súa experiencia entre Cuba, Arxentina e Galicia, coñeceremos a súa contribución á literatura, ao xornalismo, ao labor editorial e á defensa da lingua e da cultura galegas, así como o legado que compartiu xunto ao seu marido Xosé Neira Vilas.
Un encontro para descubrir a historia dunha muller esencial e reflexionar sobre os lazos culturais que unen Galicia coa súa diáspora.