Durante os meses de decembro e xaneiro a biblioteca amplía os seus horarios. A biblioteca abrirá os luns 14, 21 e 28 de decembro e 4, 11, 18 e 25 de xaneiro en horario de mañá, de 10.30h a 14.00h a maiores do seu horario habitual.
Este venres estivo na biblioteca María da Pontragha acompañada pola arpista Bleuenn Le Friec para ofrecernos unha mestura de música e contos.
Debido ao cambio de provedor da plataforma tecnolóxica que sustenta eBiblio, desde o Ministerio de Cultura y Deporte comunícannos que é posible que algún dos servizos se vexan interrumpidos, parcial ou totalmente, a partir do 26 de novembro.
Despois de moito tempo regresaron Bea e Manuel á biblioteca, pero nesta ocasión non foi para unha sesión de bebés, senón para nenos e nenas de máis de 3 anos, que tiveron así a oportunidade de reencontrarse de novo coas historias de Migallas Teatro.
Hoxe celebramos o Día da Escritoras, unha iniciativa que a BNE organiza en colaboración coa Federación Española de Mujeres Directivas, Ejecutivas, Profesionales y Empresarias ( FEDEPE) e coa Asociación Clásicas y Modernas, co obxectivo de reivindicar o labor e o legado das escritoras ao longo da historia.
Despois de moito tempo regresamos coa Hora dos Contos e para esta gran ocasión tivemos a sorte de que nos acompañasen Xacobe e Tareixa, ou o que é o mesmo Pavís Pavós, para contarnos unha chea de contos
Xurxo Mariño e Luís Sampedro voltaron á terraza da biblioteca está vez para un encontro con público adulto. A través de pequenas anécdotas das súas viaxes como investigador Sampedro explicounos como os animais evolucionan e se adaptan ao seu entorno e como debemos preservar a natureza e coida dela
Despois de varios meses regresou un dos nosos contadores máis queridos á biblioteca. Avelino preparou unha sesión de “medo”, pero non foron contos de terror o que escoitamos senón historias de como superar os nosos medos. Contounos por exemplo a historia dos dragóns, ou mellor dito das Cocas, que rodean Vigo. Unha historia moi diferente á que temos escoitado desta tradición medieval, xa que a bicha tiña outras intencións para as rapazas que lle entregaban como tributo. Actividade realizada en colaboración co SNL
Foi un pracer como sempre contar con Paula Carballeira, que nesta ocasión veu contarnos historias para os máis pequenos da casa. Atrapamos no aire contos de aquí cerquiña, como o do río da Bruxa, ou de moi lonxe, de África, como a historia que explica por que a picadura da mosca tsé-tsé provoca un sono profundo…
Xurxo Mariño e Luís Sampedro tiveron un encontro co público infantil da biblioteca no que falaron da importancia do coñecemento científico dun xeito lúdico, divertido e poético.