Unha nova sesión de contos para bebés da man de Bea Campos, onde os/as máis pequenos/as da casa comparten coa familia un momento de pracer compartido, afastado do ruído e das présas cotiás. A través de contos, cancións e pequenos xogos, esta actividade busca espertar xa desde os primeiros anos o interese pola literatura e a tradición oral, creando un espazo cálido para gozar en compañía.
A biblioteca organiza unha divertida Festa de pixamas para peluches. Convidamos aos nenos e nenas a deixar os seus peluches connosco durante a fin de semana para vivir unha experiencia única: ler contos, explorar a biblioteca e durmir nun lugar diferente. A partir do luns 15 de xuño poderán recollelos e descubrir, a través de fotos e pequenas sorpresas, todo o que fixeron durante a súa estadía. Unha actividade pensada para fomentar o vínculo coa lectura dun xeito orixinal e afectivo.