Este mes de xuño, a biblioteca súmase á celebración do Día do Orgullo cunha actividade pensada para gozar en familia, aprender e compartir valores de respecto e diversidade. A sesión de contacontos estará a cargo da asociación Avante Vigo, entidade comprometida coa visibilidade e os dereitos do colectivo LGTBIQ+ na nosa cidade.
Nesta ocasión presentarase o conto “O año que é un porquiño”, unha historia divertida e entrañable que invita ás crianzas a reflexionar sobre a identidade, a amizade e a importancia de aceptarnos tal e como somos. A través da narración, do humor e da participación do público, os máis pequenos poderán descubrir novas formas de entender a diversidade dun xeito natural e próximo.