Ofrécese
- Instalacións: Espazos infantil, xuvenil e adulto.
- Préstamo de libros, revistas, compactos de música, DVD, Blu-ray.
- Préstamo especial
- Préstamo a domicilio
- Catálogo informatizado: consulta de libros, revistas, xornais, audiovisuais.
- Servizo de préstamo de libro electrónico: galiciale.gal.
- Referencia e información.
- Acceso a internet.
- Acceso multimedia.
- Actividades de promoción da lectura e formación de persoas usuarias.
- Servizos en liña: consulta do fondo, prórroga e reserva, desideratas e suxestións.
- Servizo de reprografía.
- Servizo de autopréstamo.
Instalacións: espazos infantil, xuvenil e adulto.
A biblioteca conta cun total de 82 postos: 52 postos de lectura, entre as seccións de adultos, infantil e prensa; 10 postos de audiovisual, 2 postos de consulta do catálogo, 10 ordenadores de uso libre e Wifi (dispón dunha zona exclusiva con conexión para 8 portátiles).
Préstamo
Para poder levar libros, revistas, CD, DVD, etc. en préstamo así como
para acceder a internet, é necesaria a inscrición previa como socio/a
da biblioteca municipal, onde se entregará un carné acreditativo.
Préstamo especial
A Biblioteca Pública Municipal Xosé Neira Vilas ofrece ás persoas usuarias maiores de 80 anos, ás persoas usuarias con discapacidade ou ás persoas que teñan a súa mobilidade e autonomía limitada de forma temporal ou permanente, un servizo personalizado ao fin de facilitar o acceso aos recursos dos que dispón.
Préstamo a domicilio
A Biblioteca Pública Municipal Xosé Neira Vilas ofrece ás persoas usuarias con discapacidade ou ás persoas que teñan a súa mobilidade e autonomía limitada de forma temporal ou permanente que non poidan acudir a biblioteca e que non poidan contar con outra persoa para realizar o “Servizo de Préstamo Especial” un servizo personalizado ao fin de facilitar o acceso aos recursos dos que dispón.
Catálogo informatizado – OPAC
No catálogo xeral pódense consultar as referencias bibliográficas de todos os documentos conservados na Biblioteca: libros, prensa, audiovisuais e rexistros sonoros.
Libro electrónico EbookVigo
eBookVigo é a plataforma tecnolóxica que o Concello de Vigo pon a
disposición da cidadanía para facilitar o acceso á lectura en soporte
electrónico.
eFilm Vigo
Acceso en streaming a un amplo catálogo de cinema, documentais, concertos ou curtametraxes, entre outros.
Acceso Internet – wifi
Este servizo ten como finalidade o acceso da cidadanía á información, á formación, á cultura e ao ocio a través das novas tecnoloxías. Equipos informáticos públicos e Wifi.
Acceso Multimedia
Este servizo ten como finalidade o acceso da cidadanía á cultura e
ao ocio a través das novas tecnoloxías.
Actividades de promoción da lectura e formación de persoas usuarias.
Durante todo o ano a Biblioteca Xosé Neira Vilas organiza un programa de actividades para o fomento á lectura, que poden gozar tanto o público infantil, xuvenil e adulto.
Servizos en liña: consulta do fondo, prórroga e reserva, desideratas e suxestións
O Sistema koha é o utilizado para a xestión da Biblioteca Xosé Neira Vilas. Ofrece ás persoas usuarias rexistradas a posibilidade de acceder a determinados servizos, tales como: Consulta do fondo, renovación de préstamos, propostas de adquisicións, historial de lecturas, listas privadas e públicas
Servizo de reprografía
A Biblioteca Xosé Neira Vilas ofrece o Servizo de reprografía (fotocopias e impresión de documentos), estando o servizo suxeito á lexislación española en materia de propiedade intelectual.
Servizo de autopréstamo
A Biblioteca Xosé Neira Vilas ofrece o servizo de autopréstamo. As persoas usuarias poderán emprestar e devolver os seus libros e Cds de música de forma independente e sen ter que pasar polo mostrador.