Encontro con escritores

O club de lectura é un grupo de persoas afeccionadas á lectura que se reúne unha vez ao mes na biblioteca para comentar e valorar un libro proporcionado pola propia biblioteca coa axuda dunha coordinadora. O club está concibido para todas aquelas persoas con inquedanzas culturais, ganas de ler e de intercambiar ideas e opinións.

+ info

Club de lectura

03/04/2025

20:00 - 21:30

Biblioteca Pública Municipal Xosé Neira Vilas

Club de lectura

+ info

Club de lectura

04/04/2025

20:00 - 21:30

Biblioteca Pública Municipal Xosé Neira Vilas

Club de lectura

+ info

Encontro con Escritores/as: Javier Peña

09/04/2025

19:30 - 20:30

Biblioteca Pública Municipal Xosé Neira Vilas

Encontro con escritores
Público adulto

Encontro co escritor Javier Peña, creador e condutor do exitoso pódcast Grandes Infelices e autor de Tinta invisible. A súa obra explora as complexas relacións humanas a través das historias de escritores/as e personaxes que se debaten entre a realidade e a ficción, entre a felicidade e a infelicidade. A súa vida e a súa obra están marcadas por unha reflexión constante sobre as contradicións que definen a nosa existencia: desde a autoestima ata o ego, a inseguridade ou o sufrimento. A xornada será unha oportunidade única para coñecer ao autor detrás de libros como Agnes e infelices, onde mestura a súa mirada sobre a condición humana coa súa mestura de realidade e imaxinación. Durante o encontro, Javier Peña compartirá o seu proceso creativo e as claves de súa narrativa, que atrapa ao lector/a en experiencias deslumbrantes e profundas.

+ info

A hora dos contos. Pavís Pavós

11/04/2025

18:00 - 19:00

Biblioteca Pública Municipal Xosé Neira Vilas

Contacontos Infantil
Público Infantil

A hora dos contos é un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos libros e a lectura. Nesta ocasión visítanos a compañía Pavís Pavós.

+ info

Obradoiro de papel: Bestiario animal

14/04/2025

11:00 - 13:00

Biblioteca Pública Municipal Xosé Neira Vilas

Obradoiro infantil
Público Infantil

A Biblioteca Municipal organiza un obradoiro lúdico e creativo para as nenas e nenos durante o período vacacional de Semana Santa. Este momento é ideal para fomentar a lectura e a expresión artística, aproveitando que as cativas e os cativos están libres das súas cargas lectivas. O obradoiro titúlase Bestiario animal e consiste nunha actividade de escultura con papel, utilizando unha técnica sinxela e divertida. A partir de materiais reciclados como papel, cinta e pintura, as persoas participantes poderán crear figuras en volume que, aínda que teñen unha temática animal, tamén poderán ser personalizadas ao gusto de cadaquén. A actividade está pensada para estimular a imaxinación e as habilidades das nenas e nenos, promovendo, ao mesmo tempo, o respecto polo medio ambiente a través do uso de material reciclado.

+ info

Día do Libro: Cantos do mar

23/04/2025

19:30 - 20:30

Biblioteca Pública Municipal Xosé Neira Vilas

Día Internacional da Poesía
Público adulto

Celebramos o Día do Libro, o 23 de abril, cunha charla especial sobre o libro Cantos do mar (Morgante, 2024), a primeira antoloxía comentada e traducida ao galego de cantos de traballo e cancións mariñeiras de folk anglosaxón, datadas entre os séculos XVI e XX. Esta obra tamén inclúe a tradución e comentario de tres temas de orixe francófona pola súa relevancia no xénero. Durante a charla, exploraremos a historia das celeumas como parte da música de tradición popular, a súa clasificación e a súa conexión coa música actual. Ademais, posto que as traducións permiten que os temas sexan cantados, a presentación contará con interpretacións en directo dunha selección destas cantigas. Contaremos coa presenza de Susana Rodríguez Barcia e Pablo Vázquez Varela, que nos guiarán neste percorrido sonoro. Esta actividade será unha excelente oportunidade para reflexionar sobre a tradición musical e a súa importancia na nosa cultura.

+ info

Contos Dakí: Celso Fernández Sanmartín

24/04/2025

19:30 - 20:30

Biblioteca Pública Municipal Xosé Neira Vilas

Contacontos adulto
Público adulto

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aquelas persoas que teñan o pracer de escoitalas. Nesta ocasión visítanos o contador Celso Fernández Sanmartín.

+ info

Club de lectura xuvenil

26/04/2025

11:00 - 12:30

Biblioteca Pública Municipal Xosé Neira Vilas

Club de lectura xuvenil
Público Infantil

Nesta actividade realizarase o comentario de obras de distintos xéneros literarios nun ambiente distendido, procurando o lado formativo e á vez, lúdico da lectura.

+ info

Events on 02/04/2025