Préstamo Especial

Préstamo especial

A Biblioteca Pública Municipal Xosé Neira Vilas ofrece ás persoas usuarias maiores de 80 anos, ás persoas usuarias con discapacidade ou ás persoas que teñan a súa mobilidade e autonomía limitada de forma temporal ou permanente, un servizo personalizado ao fin de facilitar o acceso aos recursos dos que dispón.

Teñen dereito a estes servizos:

As persoas maiores de 80 anos.
As persoas usuarias cuxo grao de discapacidade sexa igual ou superior ao 33%.
As persoas usuarias que teñan a súa mobilidade e autonomía limitada de forma temporal ou permanente.

Para poder acceder a este servizo especial que a biblioteca ofrece é preciso estar inscrito/a como socio/a e cubrir un formulario de autorización de cesión do carné da biblioteca a outra persoa debidamente autorizada. Esta acreditación requirirase sempre polo persoal da biblioteca cando se queira acceder a dito servizo.

Ademais a biblioteca ofrece:

Unha atención personalizada ás consultas: toda a aquela persoa que o desexe pode dirixir as súas consultas á biblioteca de forma virtual (correo electrónico) ou por teléfono. Persoal bibliotecario especializado encargarase de localizar e dar a información que precise.
Localización, entrega de documentos. Se unha persoa usuaria non pode acceder ao local da biblioteca ou non pode buscar por si mesma o documento, o persoal da biblioteca entregarallo e facilitaralle o acceso. Así mesmo, o persoal da biblioteca realizará as buscas e consultas aos recursos pertinentes se a persoa usuaria non puidera acceder a eles.

Requisitos

Cubrir o formulario de solicitude de carné da biblioteca.
Cubrir o formulario de autorización de cesión de uso do carné de préstamo a outra persoa.
DNI (usuario/a e persoa autorizada)
Fotocopia de certificación de discapacidade superior ao 33% (se existe discapacidade)
Fotocopia do certificado médico.
Fotografía.

Número de préstamos

Poderanse levar en préstamo todos os materiais que se emprestan na biblioteca (libros, revistas, material audiovisual)

Duración do préstamo

30 días para libros e 30 días para os audiovisuais.

E se non se remata o libro?

O préstamo de libros poderase renovar por outros 21 días, a non ser que outro/a lector/a fixese reserva do exemplar.

A prórrogase pode facer por teléfono, e-mail (indicando sempre o número de asociado/a), a través do catálogo en liña ou de forma presencial por parte da persoa autorizada.

As prórrogas non se aplican a materiais audiovisuais nin a revistas.

Reserva de libros

Na biblioteca pódense reservar ata dous libros, cando estes estean prestados a outro/a lector/a no momento da reserva.

A prórrogase pode facer por teléfono, e-mail (indicando sempre o número de asociado/a), a través do catálogo en liña ou de forma presencial por parte da persoa autorizada.

Cando o libro estea dispoñible, avisarase por telefóno ou e-mail, e poderase recoller na biblioteca. Lembre que só se gardará durante 2 días.

E se non se cumpren os prazos?

As persoa beneficiarias do “Servizo Especial de Préstamo” tamén deben cumprir as normas de funcionamento da Biblioteca Pública Municipal Xosé Neira Vilas e de non ser así seralles de aplicación o establecido no “Procedemento de sancións e faltas”.

A Biblioteca Pública Municipal Xosé Neira Vilas pode dar de baixa do Servizo de Préstamo Especial a unha persoa usuaria deste servizo se non cumpre as normas.