Este ano comezamos o ciclo de A Hora dos Contos con moita maxia da man do Mago Paco.
O noso mago explicou ao público máis cativo todo o preciso para facer maxia:
Unha variña: pode ser de calquera tamaño ou de calquera cor. Aínda que a dun verdadeiro mago sempre é branca e negra (que non confundir cunha cebra que tamén son das mesmas cores)
Un sombreiro: Hai milleiros de sombreiros diferentes pero o dun auténtico mago é unha chistera onde pode vivir unha familia enteira de coellos.
e unhas palabras máxicas: As auténticas palabras máxicas son
“Patapatun tun tun!!”
