O Ciclo Formativo Superior de Animación Socio-Cultural do IES Primeiro de Marzo de Baiona visitou a biblioteca para ver o espazo, os nosos servizos e tamén para coñecer de primeira man como é o traballo que realizamos na nosa biblioteca, en especial o noso programa de actividades.
Realizamos un breve repaso dalgunha das accións que levamos realizado estes anos na biblioteca e explicamos o noso xeito de programar, ao público ao que nos diriximos e como avaliamos as actividades.
