Cultura na taberna
Esta tarde tivemos a sorte de degustar os mellores callos de Ribeira acompañados con galletas campurrianas; aínda que a combinación non pareza moi apetecible, a maridaxe foi perfecta.
Quico Cadaval foi o encargado de iniciarnos na cultura de taberna, coa súa narración transportounos a Carreirana, onde os callos foron amenizados con contos de medo, historias de canteiros e curas, sen esquecer a visita da morte a Manuel de Mos.
A maxia dos contos permitiunos viaxar ata Ribeira, cear uns callos con Manuel de Mos e a súa esposa; cumprindo debidamente as restricións correspondentes ao confinamento perimetral.
