No día Do Libro Infantil, que este ano se celebrou baixo o lema “Navega polos mares coas alas da túa imaxinación”, tivemos o pracer de contar coa autora Laura Cid, que nos presentou o seu álbum ilustrado “Maruchi e o gancho”, galardoado co Premio Alberte Quiñoi 2023.
Así, coñecimos á simpática galiña Maruchi, que unha tarde aburrida de frío decidiu coller os seus novelos de la e as súas agullas de gancho para facer roupa de abrigo para os seus pitiños… mais as prendas non saían exactamente como ela pensaba!
Despois do conto, a cativada puido colorear un debuxo coa nosa protagonista.
