Un ano máis celebramos a festa de pixamas para peluches, na que convidamos ás nenas e nenos a deixar durante a fin de semana aos seus amigos de trapo na biblioteca. Foron uns días moi divertidos nos que leron contos, xogaron, fixeron novas amizades e mesmo nos axudaron a traballar! Tampouco faltaron ricas merendolas e algunha que outra trasnada…
Ao remate deste mini campamento, cada peluche escribiu unha carta contando a súa experiencia e levou para casa o seu conto favorito para lelo de novo en familia.
