Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aquelas persoas que teñan o pracer de escoitalas. Nesta ocasión visítanos o contador Celso Sanmartín.
Esta tarde tivemos a sorte de degustar os mellores callos de Ribeira acompañados con galletas campurrianas; aínda que a combinación non pareza moi apetecible, a maridaxe foi perfecta.
Esta tarde de venres pasámolo xenial coas historias de Raquel Queizás; contos que trataban dun dos protagonistas máis relevantes do conto popular en Galicia, un animal listo, pícaro e que sempre sae ben parado de toda situación complicada: o raposo
Este venres estivo na biblioteca María da Pontragha acompañada pola arpista Bleuenn Le Friec para ofrecernos unha mestura de música e contos.
Despois de moito tempo regresaron Bea e Manuel á biblioteca, pero nesta ocasión non foi para unha sesión de bebés, senón para nenos e nenas de máis de 3 anos, que tiveron así a oportunidade de reencontrarse de novo coas historias de Migallas Teatro.
Despois de moito tempo regresamos coa Hora dos Contos e para esta gran ocasión tivemos a sorte de que nos acompañasen Xacobe e Tareixa, ou o que é o mesmo Pavís Pavós, para contarnos unha chea de contos
Xurxo Mariño e Luís Sampedro voltaron á terraza da biblioteca está vez para un encontro con público adulto. A través de pequenas anécdotas das súas viaxes como investigador Sampedro explicounos como os animais evolucionan e se adaptan ao seu entorno e como debemos preservar a natureza e coida dela
Despois de varios meses regresou un dos nosos contadores máis queridos á biblioteca. Avelino preparou unha sesión de “medo”, pero non foron contos de terror o que escoitamos senón historias de como superar os nosos medos. Contounos por exemplo a historia dos dragóns, ou mellor dito das Cocas, que rodean Vigo. Unha historia moi diferente á que temos escoitado desta tradición medieval, xa que a bicha tiña outras intencións para as rapazas que lle entregaban como tributo. Actividade realizada en colaboración co SNL
Foi un pracer como sempre contar con Paula Carballeira, que nesta ocasión veu contarnos historias para os máis pequenos da casa. Atrapamos no aire contos de aquí cerquiña, como o do río da Bruxa, ou de moi lonxe, de África, como a historia que explica por que a picadura da mosca tsé-tsé provoca un sono profundo…
Xurxo Mariño e Luís Sampedro tiveron un encontro co público infantil da biblioteca no que falaron da importancia do coñecemento científico dun xeito lúdico, divertido e poético.