Foi un pracer como sempre contar con Paula Carballeira, que nesta ocasión veu contarnos historias para os máis pequenos da casa. Atrapamos no aire contos de aquí cerquiña, como o do río da Bruxa, ou de moi lonxe, de África, como a historia que explica por que a picadura da mosca tsé-tsé provoca un sono profundo…
Xurxo Mariño e Luís Sampedro tiveron un encontro co público infantil da biblioteca no que falaron da importancia do coñecemento científico dun xeito lúdico, divertido e poético.
César inaugurou a nosa Terraza Liber cun concerto para toda a familia, foi unha tarde moi emotiva, xa que regresaban as actividades á biblioteca, e regresaba o noso público infantil a bailar e a escoitar historias
Comezamos o 4 de outubro coas actividades para o cuarto trimestre do ano
Hoxe celebramos un obradoiro de xadrez impartido por Xadrez Galego.
Podemos facer música cun vello altofalante de coche, uns cantos cables, un clip, un lapis e unha pila, e de paso aprender un montón de ciencias?? Por suposto
Comezamos cunha breve introdución á obra de Luis Seoane e aos conceptos arquitectónicos e artísticos necesarios para o desenvolvemento da parte práctica, onde os participantes interpretaron unha das paisaxes pintadas por Seoane materializándoa coa construción dunha maqueta colectiva
Coñecemos de preto a muralla de Vigo, o seu trazado orixinal e a súa vocación defensiva, á vez que investigamos sobre os materiais, as proporcións e a escala dos distintos elementos que a forman
Esta fin de semana quedaron na biblioteca máis de 20 peluche na nosa gran festa anual de pixama.